Улсин хоорндк хәрлцә батрулад

Сегодня, 13:02 | Общество, Таңһчин зәңгс, Зіњг

Шидр Хальмг Таңһчин залврин Ахлач Босхмҗин Гилән келн-улсин кергүдин Федеральн Агентствин һардачин дарук Станислав Бедкинлә харһҗ күүндв. Терүнә йовудт мана таңһчд улсин ниицлтин җилин йовудт күцәгдҗәдг йовдлмудын болн 2036 җил күртл келн-улсин шаңһа политикин шишлң көтлвр күцәлһнә туск төрмүд босхгдв.
Хальмг Таңһчд насни-турштан зун шаху келн-улсин болн һурвн шаҗна элчнр хоорндан ниитәһәр бәәнә. Тер мет Хальмгин Толһачин медлд бәәдг келн-улсин хоорндк хүүв, келн-улсин 12 төв болн шаҗна хоорндк хүүв күцәмҗтәһәр үүлдҗәхнь темдглгдв.
2025 җилд мана таңһчд келн-улсин хоорндк хәрлцә батрулхин төлә 500 һар керг-үүлдвр бүрдәгдсмн. Өдгә цагт таңһчин Толһач Хаска Батун нилчәр ирлцңгү көдлмш цаарандан давулгдҗана. Давсн долан хонгт Элстин чонҗд Иисус Бурхн бууҗ ирснә 80 җилин өөнин керг-үүлдврмүд бүрдәгдснь эн тоотыг ил медүлҗәнә, гиҗ келх кергтә.
Темдглхәс, ФАДН-а давулсн марһана ашар 2027 җилд мана таңһчд келн-улсин ниицлтиг батрулхин төлә шишлң төсвс күцәлһнд 17 сай шаху арслң дем йилһгдх болв. Эн җилин мөчн сард Элст балһснд 2036 җил күртл күцәгдх төсвсин селвлцән болв. Терүнд Әрәсән Президентин һардврин, Өмн үзгин дуһргин ведомствсин элчнр болн олн шинҗләчнр орлцсн болдг.
Харһлтыг ашлад, Босхмҗин Гилән улсин ниицлтин җилд ФАДН-а үүлдвр улм дааврта болн темдгтә болҗахиг заав. Мана таңһчин һардвр келн-улсин хоорндк хәрлцә батруллһнд нилчән цааранднь күргәд бәәхиг чигн эн иткүлв.
ОЛЬДАН Цаһан

Видео