Хальмг цәәһин Өдр

Сегодня, 13:03 | Общество, Таңһчин зәңгс, Зіњг

Хальмг цә – хол өвкнрин цагас авн әмтнә хот болн ундн болҗ йовхин тускар эс бичсн, эс дуулсн күн уга болх. Хальмгуд бәәтхә теегт ирҗ, тоогдсн, хальмгудла хамдан бәәсн талдан келн-улс чигн өдр болһн хальмг цәәһәр өдрән эклнә.
Цә шиңгн болв чигн хотын дееҗ гиҗ күндлгддг энүнә чинринь өргҗ хальмг цәәһин Өдр темдглдг болсмн. Хөн сарин һурвдгч бембә өдрлә Хальмг Таңһчд хальмг цәәһин Өдр темдглнә. Җил болһн болдг эн байрин өдр темдглх шиидвр Хальмг Таңһчин Улсин Хуралын (Парламентин) депутатнр 2011 җилд батлҗ авсмн. Түрүн болҗ хальмг цәәһин байр 2012 җилин хөн сарин 19-д темдглгдсн билә. Тер цагас нааран цәәһин сән Өдр җил болһн таңһчд ирҗәдг олн гиичнриг өвкнрин цага кезәңк авъясмудла таньлдулна.
2026 җилд хальмг цәәһин байран хөн сарин 16-д темдглҗәнәвидн. Эн өдр тогтсн авъясар хальмгуд өрүни цәәһән нерәд, түрүн ааһан бурхндан нерәдәд дееҗ өргәд, зальврад, өдрән эклнә. Байрин кесг керг-үүлдврт орлцад, өвкнрин үлдәсн зөөриг иигәд мадндан хәәрлснднь йөрәлән өргҗ байсна.
ҖИРҺЛИН Кермн

Видео