Наадар дамҗад дөңгән күргв

Вчера, 14:35 | Общество, Таңһчин зәңгс, Зіњг

Одахн «Гармония» төвин һардач Бардан Нина Б.Б.Городовиковин нертә Хальмг ик сурһулин педагогическ дацңгин һардачин үүлиг цаг зуур дааҗадг Очра Иринала хамдан «Төрскән харсачнр» саңгин ул деер цергә шишлң керг-үүлдврин йовудт эцкнрән геесн көвүд-күүкдин төлә шишлң кичәл давулв.
Келхд, эн бичкдүд «Социальн театр» нертә төсвд орлцачнр болна. Энд эдн тәәз деер һарад, олн зүсн наадар дамҗад, йосн артистнр болҗ, цаган сергмҗтәһәр давулсн болдг.
Театрин нааддын эв-арһар көвүд-күүкд эрдмән үзүләд, әәмшг уга бәәдлин таалд ухан-тоолврар хувалцв.
– Эцкнрән геесн бичкдүдт эрк биш дөң күргх кергтә. Нааддт көвүд-күүкд шунмһаһар орлцад, теднә седкл байрар дүүрсиг үзхлә, күслдән күрвидн гисн тоолвр үүднә. Хальмг ик сурһулин мергҗлтнрт ханлтан өргҗәнәвидн, – гиҗ «Төрскән харсачнр» саңгин һардачин дарук Чилгрә Байрта темдглв.

ОЛЬДАН Цаһан

Видео