Әрәсән спортсменмүдиг йөрәв

Сегодня, 10:24 | Общество, Спорт, Таңһчин зәңгс, Зіњг

Шидр Әрәсән кикбоксингин баг Колумбия орн-нутгт болсн WKF нарт-делкән марһанд орлцад, тенд 96 медаляр ачлгдад ирв, терүнәснь 66-нь алтн медаль болв. Хальмг Таңһчин Толһач Хаска Бату орн-нутгин нер харсад, ик күцәмҗ бәрсн спортсменмүдиг йөрәв. Эн марһанд диилвр бәрсн спортсменмүдиг күндлҗ Әрәсән туг өргв, частр күңкнв.

- Маднд эннь ик бахмҗ үүдәв. Удан завср болад, Әрәсән спортсменмүд нарт-делкән марһанд нерән дуудулв. Яһдг-кегдг болв чигн Әрәсән кикбоксингин баг ниитә, бат болҗахан иткүлв. Спортсменмүд нег-негән дөңнәд, чидл-чииргән үзүлҗ, диилвр бәрхәр зүткснь бахмҗта. Ниитә болхла ик диилвр учрдг. Әрәсә спортын алдр орн-нутг мөн, терүг эврәннь ил кергәрн иткүлвидн, - гиҗ Хаска Бату йөрәлин үгдән темдглв.

Мана зәңгч

Видео