Өнр-өсклң Боктаевихн – мана бахмҗ

Сегодня, 14:08 | Общество, Таңһчин зәңгс, Зіњг

Шидр зурһан үртә Боктаевихнә өрк-бүл «2026 җилин сән гисн өрк-бүл» гидг марһанд диилвр бәрсн өрк-бүлмүдлә хамдан Москвад Кремлевск бәәшңд болсн ик байрт орлцсн билә. Хальмг Таңһчин Толһач Хаска Бату Баатыр болн Екатерина Боктаевихниг диилвр бәрснләнь йөрәһәд, хөв-кишг дурдв.
- Баатыр Борисович болн Екатерина Ивановна 16 җилдән хамдан бәәнә. Эдн төрскн селәнә болн района бәәдл-җирһлд шунмһаһар орлцад, таңһчин делгрлтд ач-тусан күргҗәнә. Эднә өрк-бүлд цуһар нег-негндән нөкд болад, ниитә бәәнә. Иим өнр-өсклң өрк-бүлмүд олна дунд бат ул тогтана. Седвәртә болн төрскнч седклтә, өрк-бүлиннь авъяс-заңшал хадһлҗ күүкдтән сән сурһмҗ өгч, олна үүлдврт шунмһаһар орлцдг төләдтн ханлтан өргҗәнәв. Тана җирһл хөвтә-кишгтә болтха, күүкдтн тадниг байрлулҗ йовтха! Иим өрк-бүлмүд мана таңһчин болн Әрәсән бахмҗ болна, - гиҗ Хаска Бату йөрәлин үгдән темдглв.
Мана зәңгч

Видео