Нөкцлт: Хальмг Таңһч – Катар

Сегодня, 14:02 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Шидр Хальмг Таңһчин Толһач Хаска Бату Әрәсәд Катарин күцц зөвтә элч зерг Ахмед Нассер Аль-Танила харһв.
Әрәсән болн Катар хоорндк хәрлцән олн җилин туршарт делгрҗәдг иньгллтин улд батрсмн. Хальмг Таңһч иньгллтин залһлдана делгрлтд бас туслҗахиг темдглхмн. Нидн бидн Катарин делегациг хальмг һазрт тосч авлавидн, тер йосна гиичллһн мана хойр орн-нутгин хоорндк залһлда батруллһнд ик чинртә болсмн.
- Йиртмҗ харлһна, һазр көдәрлһнә селәнә эдл-ахун, сойлын болн зуульчллһна төсвсин тускар харһлтд күүндвидн. Катарин нүүдл сойл болн хальмгудын нүүдл бәәдл-җирһлин авъяс, авг-бәрц хоорндан әдлхн болна. Тер төләд күцц зөвтә элч түрүн болҗ хальмг теегт ирхләрн гертән бәәснлә әдлхн бәәв. Тегәд мана заңшал-авъясмуд Хальмг Таңһчин болн Катарин хоорнд нөкцлт делгрүллһнд туслҗана. Зерг Ахмед Нассер Аль-Тани мана таңһчд оньган тусхаснд ханлдтан өргҗәнәв. Хамдан уралан зөрҗ мана орн-нутгудын хоорндк залһлда батруллһнд нилчән күргхвидн, - гиҗ таңһчин Толһач темдглв.
БАТАН Сәәхлә

Видео