Төрскн балһсан кеерүлий!

Сегодня, 13:21 | Общество, Таңһчин зәңгс, Зіњг

Элст балһсна Хургин депутат, Хальмг Таңһчд «Справедливая Россия» партин әңгин ахлач Наталья Зинченко балһснд сән кец-таал тогталһна негдлт бүрдәхин седвәр татад, коммунальн цергллтсин көдләчнрин өдр болһни көдлмш үнлҗ ханлтан өргв.
Депутатын тоолврар, төрскн балһсн цевр-цер болн ке-сәәхн болхин төлә күн болһн тусан күргх зөвтә. Балһсна әмтнд болн арһлачнрт кесн дуудвртан сән кец-таал тогталһна негдлтд орх үрвр эн кев. Арһлач болһн эврәннь бүрдәцин, лавкин эс гиҗ кафен өөр шидрк бәәриг хог-богас ахулҗ, эргндк һазриг цеврәр бәрхлә мана Элст хамгин сәәхн балһсн болхмн гиҗ Наталья Зинченко дуудвртан темдглв.
- Элст – бичкн болн ке-сәәхн балһсн мөн. Балһсна уульнцс цевр-цер болх зөвтә, седкл бәәхлә, цугинь кеҗ болхмн, - гиҗ депутат келв.
Наталья Зинченко Ю.Клыковин нертә уульнцин 5-ч герт бәәршлдг бүрдәцин эргндк һазрт олн зүсн модд, цецгүд суулһв. Сүл һурвн җилин эргцд энд урһҗадг ке-сәәхн оошк цецгүд олн-әмтиг байрлулҗана.
Бийнь эн С.Радонежскийин нертә уульнцд һучн һар җилдән бәәнә. Эн өдр болһн гилтә урһмлын балһсна эдл-ахун көдләчнр үнн-чик седклтәһәр көдләд, цевр-цер бәәдл теткдгиг өөдәнәр үнләд, ханлтан өргв.
- Балһснд сән кец-таал тогталһна көдлмш кегдҗәхиг үзхләрн байрлнав. Би эврән цугнь дигтә-дарата болхин төлә өдр болһн көдлх кергтәг меднәв. Мана балһсн цевр болдгнь олн-әмтнә өдр болһн күцәдг көдлмшин аш мөн. Элст балһсн улм сәәхрәд йовтха, энтн мана төрскн һазр мөн. ГЗХ-н көдләчнрт бат эрүл-менд дурдҗанав, тана көдлмшиг үнлдг улс олн болтха, - гиҗ Наталья Зинченко тоолврарн хувалцв.
БАТАН Сәәхлә

Видео