Суңһвр эклв

Сегодня, 14:02 | Общество, Таңһчин зәңгс, Зіњг

Өцклдүр Әрәсәд Орн-нутгин Хүүвин депутатнрин суңһвр эклв. Хальмг Таңһчд болхла ут тоодан суңһврин 224 әңг көдлмшән эклв, тер тоод Элстд суңһврин 48 әңг экләд үүлдв.
Хальмг Таңһчин Толһач Хаска Бату төрскн Лагань балһснд суңһврт орлцад, дууһан өгсн болдг. Хальмгин залврин Ахлач Босхмҗин Гилән болхла Элстин олн салврта гимназин улд секгдсн суңһврин әңгд ирәд, дууһан өгв. Тер өдр Т.Хахлынован нертә медицинск колледжин герт бәәршлсн 24-ч тойгта суңһврин әңгд Төрскән харсгч Алдр дәәнә ветеран Петр Леонтьев (зургт) дууһан өгәд, иргнә әрүн кергән күцәв.
Келхд, Кичгә Төлән нертә Хальмг келн-улсин гимназин улд Элст балһсна 26-ч тойгта суңһврин әңг үүлдҗәнә, эн кемҗәһәрн хамгин ик әңг болҗ тоолгдна, нааран 1785 күн ирҗ, суңһврт орлцҗ дууһан өгх зөвтә. Өрүн эртәс авн көдлмшин өмн дууһан өгхин төлә олн-әмтн иигәрән адһв. Эн әңгин ахлач Мушан Зоян цәәлһсәр, тедн дунд баһчуд олар ирсн болв.
Цуг участкудт зөв-йос харлһна бүрдәцсин көдләчнр әәмшг уга бәәдл теткҗәнә. Тер мет шинҗләчнр, волонтермуд, хазгудын элчнр бүртклһнә көдлмшән күцәҗәнә. Суңһврин йовудын тускар тодрхаһар газетин дарани тойгт зәңглхвидн.
ОЛЬДАН Цаһан

Видео