Баахн багшнр селвлцв

Сегодня, 13:50 | Общество, Таңһчин зәңгс, Зіњг

Шидр Элстин 3-ч тойгта дунд сурһульд балһсна баахн багшнрин клубин сүүр болв. «Медрл» ниицәнә хальмг әңгин элч Довгопола Дмитрий терүг давулв.
Сүүрт орлцачнр өдгә цагт тууҗин болн обществознаня кичәлмүдиг яһҗ давулхин тускар күүндв. Багшнр дамшлтарн хувалцҗ, кичәлмүдиг улм соньнар бүрдәхин төрмүд босхв. Тер мет Владимир Мединскийин болн Дмитрий Медведевин түүрвәчнрин һардвртаһар барлгдсн тууҗин болн обществознаня шин даслурмуд олна оньгт тусхагдв.
Терүнәс нань баахн багшнрин дамшлт өөдлүллһнә туск күүндвр һарв . Барас һарсн шин даслурмудыг көдлмштән олзлад, дорас өсч йовдг үйнрт гүн медрл өгхәр седҗәхән чигн эдн медүлв.
ОЛЬДАН Цаһан

Видео