Чинртә селвлцәнд орлцв

25-04-2026, 12:30 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Таңһчин Толһач Хаска Бату ЮФО-д Әрәсән Президентин күцц зөвтә элч Владимир Устинов давулсн селвлцәнд орлцв. Өрк-бүлин чинриг өөдлүллһнә төрмүд терүнд босхгдв.
– Демографин болн өрк-бүлмүдиг дөңндг шаңһа көтлврмүдин төрәр күүндвр болв. Өдгә цагт дөңнлһнә олн зүсн эв-арһс олзлгдҗана. Тедн дунд олн үртә болн оютнрин өрк-бүлмүдт йилһгддг дем, нилх болһнд белг өглһн, баахн экнрт 100 миңһн арслң һарһҗ өглһнә болн дөңнлһнә талдан кесг эв-арһс бәәнә. Мана өвкнр урднь арвн күртл үр һарһад өскдг билә. Эднәс бидн үлгүр авх зөвтәвидн. Олн үртә бүлд өссн көвүд-күүкд нег-негән хәләһәд, дөңнәд, ниитәһәр өснә. Мана баһчуд өрк-бүлән өндәлһәд, олн үр һарһад, таңһчин хәәртә улсиг өскх зөвтә, – гиҗ Хаска Бату онц темдглв.

ОЛЬДАН Цаһан

Видео