Чинртә сүүрт орлцв

Сегодня, 15:40 | Общество, Таңһчин зәңгс, Зіњг

Шидр Владимирск мүҗин Суздаль балһснд Әрәсән зака үүдәгчнрин Хүүвин социальн политикин комиссин өргн сүүр болсна тускар урднь зәңгләвидн. Терүнд Хальмг Таңһчин Улсин Хуралын (Парламентин) Ахлач Артем Михайлов орлцв. Сүүрт 2025 җилд комиссин көдлмшин аш диглгдәд, сурһульчнр дунд чик авг-бәрц батруллһна төлә сән таал тогталһна туск төр хәләгдв.
Орн-нутгин регионмудын зака үүдәгч бүрдәцсин элчнр хәләгдсн төрәр ухан-тоолврарн хувалцҗ, Әрәсән залврин, эрүл-менд харлһна, гегән-герлин болн спортын министерствсин, Роспотребнадзорин халхар сүв-севлг йовулхин туст шиидвр батлв. Әрәсән эрүл-менд харлһна делгрлтин 2030 җил күртл батлгдсн зурад олна эрүл-мендин, бичкдүд болн баһчуд дунд чик авг-бәрц батруллһна халхар керг-үүлдврмүд давуллһна, цергә шишлң керг-үүлдврт орлцачнрин өрк-бүлмүдин төлә онц зөвин кергүд күцәлһнә тускар күүндвр болв. Сурһуль-эрдмин бүрдәцст бичкдүдин болн арвтнрин эрүл-мендин бәәдл хадһллһна туст негдсн некврмүд батлх кергтә гиҗ сүүрт орлцачнр нег мөслҗ шиидв.
Хальмг Таңһчин Улсин Хуралын (Парламентин) Ахлач Артем Михайлов сурһулин көтлврмүдт сурһульчнр дунд чик авг-бәрц батруллһна, дунд сурһульмудт бичкдүдин эрүл-менд харлһна цергллтсин үүлдвриг ясруллһна туст сүв-севлгүд орулв, терүг Әрәсән зака үүдәгчнрин Хүүвин социальн политикин хүүвин шиидврт орулҗ батлв.

Видео