Әрәсән марһанд орлцтн!

Сегодня, 12:23 | Общество, Таңһчин зәңгс, Зіњг

Хальмг Таңһчин Толһач Хаска Бату «Цергллһн» гидг Цугәрәсән муниципальн мөрән марһан эклснә тускар зәңглв.
Бәәрн йосна залврин көдләчнр, балһсд-селәдт чинртә төсвс күцәдг седвәртә болн шунлтта улс дунд эн марһан зарлгдна. Бәәрн залврин делгрлтин Әрәсән ниицән эн марһа давулна, орн-нутгин толһачин һардврин ахлачин дарук Сергей Кириенко терүнә бүрдәмҗин әңгиг һардна.
Нидн Целинн района Троицкое селәнә депутат болн сурһмҗлач Тактинә Алла эн марһана дииләчнрин негнь болсмн. Энүнә белдсн төсв шинҗләчнрин шиидврәр 100 сән гисн төсвин тоод орсмн. Тегәд бәәрн залврин бүрдәцсин седвәриг орн-нутгт өөдәнәр үнлҗ болхиг иткүлв.
- Мана таңһчд седвәртә, үүдәгч кевәр үүлддг улс бәәнә, эдн сән төсвс белднә. Эн марһанд орлцтн гиҗ Хальмгин муниципальн бүрдәцсин элчнрт дуудвр кеҗәнәв. Муниципальн бүрдәцс энтн мана орн-нутгин ик күчн мөн. Әмтн хамгин түрүнд тадн тал ирәд, эврә төрмүдән хаһлхд нөкд болхиг сурна. Җил ирвәс мана орн-нутгин һардвр муниципалитетмүдин чинр өөдлүлҗ, эднд ик оньг тусхана. Үкр сарин 29 күртл Цугәрәсән марһанд эрлһән орулҗ болхмн. Терүнд диилвр бәрсн улсин нерд «Бичкн төрскн – Әрәсән күчн» гидг ик хургин йовудт заагдхмн, - гиҗ Хаска Бату келв.

Видео