Таңһчин цецгәрлтин төлә

Сегодня, 11:50 | Политика, Общество, Таңһчин зәңгс, Зіњг

Тер мет һаха сарин 18-д Хальмг Таңһчин залврин Ахлач Босхмҗмин Гилән Элстин олн салврта гимназин улд үүлдҗәсн суңһврин 48-ч тойгта әңгд дууһан өгв.
«Мана Төрскнә күчнь өсч, орг-нутг цецгәртхә гиҗ дууһан өгләв. Яһад гихлә суңһвр – энтн мана бәәдл-җирһлин ик чинртә йовдл болҗана. Күн болһн эврәннь ухан-тоолвран медүлҗ, сарул-сәәхн иргчин төлә дууһан өгчәнә, терүнә төлә цуг таал тогтагдсн бәәнә», – гиҗ Гилән Герасимовна тоолвран келв.
Суңһврин цуг әңгүдт әмтнә төлә әәмшг уга бәәдл теткгдв. Тегәд чигн таңһчин улс орн-нутгин талдан олн улсла хамдан Әрәсән болн мана таңһчин делгрлтин төлә цааранднь чигн күцәмҗтәһәр үүлдхән медүлҗәнә, гиҗ һардач темдглв.

ТҮРВӘН Һуна

Видео