Орн-нутгин тугин байр

Сегодня, 14:03 | Общество

Эндр мана орн-нутгт тугин Өдр темдглҗәнә. 1991 җилин ноха сарин 22-т Москва балһснд Әрәсән Залврин бәәшң деер түрүн болҗ һурвн өңгтә туг делсв. 1994 җиләс авн орн-нутгин Президентин зәрлгәс иштә эн өдр Әрәсән тугин Өдр болҗ батлгдв.
1917 җилин хүвсхлин хөөн РСФСР-ин улан өңгтә туг делсдг болв. Эн туг СССР-ин орн-нутг бүрдсн цаг күртл олзлгддг бәәсмн.
Шинәс 1991 җилд мана орн-нутгин туг дәкнәс һурвн өңгтә болв. 2000 җилд Әрәсән Президент Владимир Путин «Әрәсән орн-нутгин тугин тускар» гидг шишлң зәрлг һарһсн болдг. Цаһан өңг – цевр, әрүн сана темдглнә, көк – иткл, үнн-чик бәәдл, улан өңг болхла Төрскнәннь төлә асхрсн цус темдглнә гиҗ тоолгддг мөн.
Эндр мана орн-нутгт тугин Өдрт нерәдсн төрскнч седклтә керг-үүлдврмүд давулгдҗана. Элст балһснд болхла асхн тавн часла Диилврин паркд байрин концерт болхмн. Тенд Элстин болн таңһчин нертә коллективс билг-эрдмән үзүлҗ, бәәрн улсиг болн гиичнриг байрлулхмн. Терүнәс нань бичкдүдин төлә соньн нәр-наадн бас бүрдәгдхмн.
Нег һазра улсан Әрәсән тугин сән Өдрлә йөрәҗәнәвидн. Байрин керг-үүлдврмүдт өрк-бүләрн ирҗ орлцад, сул цаган сергмҗтәһәр давултн.
КАРСАНА Евгения

Видео