Социальн бүрдәцин үүлдврлә таньлдв

Сегодня, 13:59 | Общество, Таңһчин зәңгс, Зіњг

Хальмг Таңһчин социальн делгрлтин, күч-көлснә болн көдлмшәр тетклһнә министр Нахошкинә Мингиян таңһчин әмтнә социальн теткврин төвд одад, бүрдәцин үүлдврлә таньлдв.
Таңһчин социальн-экономическ делгрлтин көтлврин йовудт тосхгдсн шин бәәрнд медәтнрт болн өрк-бүлмүдт күргҗәдг туслмҗин тускар соньмсад, министр кичәлмүд болдг болн олн зүсн керг-үүлдврмүд давулдг хорас хәләв. Эн төвд җил болһн 1300 медәт болн эрмдгтә күн олн зүсн керг-үүлдврт орлцна, энд билг-эрдм делгрүллһнә, цогц-махмуд батруллһна халхар багмуд үүлднә. Социальн көдләчнр һанцарн бәәдг медәтнрт болн гемтә-шалтгта улст гер деернь туслмҗ күргәд, дөң-нөкд болна. Өрк-бүлин болн бичкдүдин әңгд болхла 150 күүкн-көвүн, тер тоод цергә шишлң керг-үүлдврт орлцачнрин 52 үрн социальн туслмҗ авна.
Мингиян Владимирович бүрдәцин көдләчнрлә күүндәд, көдлмшин таалын тускар соньмсв. Ах үйин, эрмдгтә, җирһлин күнд таалд туссн, олн үртә болн баһ тетквртә улст килмҗән тусхаҗ, көдлмшән үнн кевәр күцәдг төләднь министр социальн көдләчнрт ханлтан өргв.
ДАВАН Наталья

Видео