Селәдт сән таал тогтахар

Сегодня, 13:18 | Общество, Таңһчин зәңгс, Зіњг

Хальмг Таңһчин селәнә эдл-ахун министерствд «Селәнә һазрт сән кец-таал тогталһн» шаңһа көтлвр күцәлһнә йовудт ирлцңгү көдлмш цаарандан кегдҗәнә.
Шидр селәнә эдл-ахун министр Гаван Тимурин һардврт Октябрьск района Ик Царң, Цаһан Нур, Иҗл болн Җаңһр селәдин толһачнрин орлцлһта давулсн селвлцәнә йовудт ирлцңгү төрмүдәр күүндвр болв.
Муниципалитетмүд шаңһа болн региона көтлврмүдт орлцлһна төрмүдт онц оньг тусхагдв. Селвлцәнә ашар кех-күцәх көдлмш батлгдад, дааврта улст ирлцңгү даалһвр өггдв.
– Таңһчин селәдт бәәдг иргнмүдин төлә сән кец-таал тогталһн эн көтлврин һол күслнь болҗана. Энүнә йовудт цуг көдлмш цаг-болзгтан күцәгдәд, министерствин талас болхла цугнь бүрткгдәд бәәх, иим кевәр селән болһн делгрәд, нег һазра улсин төлә өдгә цагин некврлә ирлцҗәдг сән таал тогтагдхмн, – гиҗ Тимур Сергеевич иткүлв.

ОЛЬДАН Цаһан

Видео