Тосхачин Өдр темдглв

Сегодня, 13:03 | Общество, Таңһчин зәңгс, Зіњг

Москва балһсна Лужники спортын талвңд тосхачин Өдрин 70 җилин өөн өргнәр темдглгдв. Әрәсән тосхлтын халхин цуг элчнриг эн байр хамцулв. Хальмг Таңһчин залврин Ахлачин негдгч дарук Цернә Эрднь, тосхлтын, көлгнә болн хаалһин эдл-ахун министрин үүл дааҗадг Шахана Андрей болн таңһчин ирлцңгү бүрдәцсин мергҗлтнр Хальмгин делегацин ханьд байрин керг-үүлдврт орлцв.
– Әрәсән Залврин Ахлачин дарук Марат Хуснуллин цуглрсн улсиг йөрәһәд, өдгә амр биш цагт тосхлтын халх делгрәд йовхиг темдглв. Ик дамшлтта тосхачнр баһчудт зах-зуухинь зааҗ өгчәхнь темдгтә. Эндр мана орн-нутгт тосхлтын халхар чинртә төсвс сән йовудтаһар күцәгдҗәхинь келәд, Әрәсән экономикин делгрлтд нилчән күргҗәхинь бас цәәлһв. Келхд, тер өдр Марат Шакирзянович 60 насан зүүв. Энүнә җирһлнь орн-нутгин тосхлтын халхин делгрлтлә бат залһлдата. Мана таңһчин төрмүдт ик оньган тусхаснд ханлтан күргҗ, ончта өөнләнь энүг йөрәҗәнәв. Цааранднь чигн хамцу үүлдврән күцәһәд, Әрәсән цецгәрлтин төлә шунҗ көдлхвидн, – гиҗ таңһчин Толһач Хаска Бату темдглсн болдг.

Видео