Тәрәчнриг ачлв

Сегодня, 13:50 | Общество, Таңһчин зәңгс, Зіњг

Баһ Дөрвдә районд урһц хуралһна дааврта кем төгсв. Энд «Плодовитое» болн «Альтаир» гидг эдл-ахуст намрин цаһан буудя болн ичмә урһана. Теңгрин бәәдл тәрәчнрт харшлтан күргсн бийнь эдн көдлмшән ик даавртаһар күцәв. Эн җил тәрәчнр 3406 гектар аһу һазрт буудя тәрсн билә. Нег гектар тәрәнәс дундлад 20,44 центнер буудя хураҗ авв.
Шидр «Плодовитое» эдл-ахуд урһц хуралһна кем төгсснд нерәдгдсн байрин хург болв. Эдл-ахун һардач Юрий Искам тәрәчнриг йөрәһәд, дааврта кем күцәмҗтәһәр төгсәхин төлә үнн-чик седклтәһәр көдлснднь ханлтан өргв. Эдл-ахун көдләчнр цуһар ниитәһәр көдлснә ашт сән урһц хураҗ авгдв. Теңгрин бәәдл харшлсн бийнь ик дамшлтта болн өөдән мергҗлттә тәрәчнрин нилчәр дааврта кем дигтә-даратаһар давулгдв гиҗ эдл-ахун һардач темдгләд, нүүрлгч көдләчнрт мөңгнә мөрә бәрүлҗ өгв.
Селәнә сойлын Герин һардач Алина Борисова эдл-ахун көдләчнрт сергмҗтә нәр-наад белдҗ, эдниг байрлулв.
ДООҖАН Наталья

Видео