Әрәсән Баатрмудын тууҗар соньсмв

Сегодня, 11:44 | Общество, Таңһчин зәңгс, Зіњг

Хальмг Таңһчин сурһуль-эрдмин бүрдәцсин сурһульчнриг «Медрл.Баатрмуд» гидг хураңһула таньлдулҗана. «Медрл» ниицәнә лектормуд болн «Дәәч» гидг цергә-спортын белдврин болн төрскнч сурһмҗин Төвин курсантнр сурһульчнрт цергә шишлң керг-үүлдврт орлцачнрин залу-зөрмгин тускар келҗ өгчәнә.
Шидр Элст балһсна 23-ч тойгта дунд сурһульд һурвн цергә керг-үүлдврт орлцсн Залу-зөрмгин орденәр ачлгдсн Хуцан Эрднь сурһульчнрла харһв. Эн цергә хаалһиннь, СВО-д орлцх шиидвр авсна тускар хувалцҗ, энүнә төлә зөрмг, Төрскн гидг үгмүд ямаран чинр зүүдгин тускар келв.
- Төрскндән дуртав гисн энтн йирин үг биш, энтн өдр болһн күцәдг керг мөн. Энтн өөрхн улстан килмҗән тусхаҗ, үнн кевәр кергән күцәҗ, иргчин туст дааврта болх зөвтә юмн. Ямр болв чигн мана шиидвр ямаран күн болҗахиг медүлнә. Цергә шишлң керг-үүлдвр болҗадг цагт энтн хамдан шиидвр авхд, эврәннь даавран үнн кевәр күцәхд туслна, - гиҗ Хуцан Эрднь келв.
Хөртәдән эн Ливийд, Сирийд, Нагорный Карабахд, Африкд болсн цергә керг-үүлдврмүдт орлцад, байн дамшлт хоршасн күн болна. Энүнә һардврт 450 зөрмг дәәч цергә даалһвран күцәҗ йовсмн. Хуцан Эрднь Залу-зөрмгин орденәр болн «Төрскндән ач-тус күргсн төлә» II девсңгин медаляр ачлгдсмн.Өдгә цагт эн «Дәәч» төвд көдлҗ Элстин болн таңһчин райодын сурһульчнрт төрскнч сурһмҗин керг-үүлдврмүд давулна.
Сурһульчнрла болсн харһлтд Хуцан Эрднь цергә шишлң керг-үүлдврт залу-зөрмгән үзүлсн 15 баатрин тууҗин туск хураңһу белглв. Эн хураңһу сойлын седвәрин президентск саңгин дөңгәр барас һарсмн.
БАТАН Сәәхлә
ЗУРГТ: цергә шишлң керг-үүлдврин ветеран Хуцан Эрднь сурһульчнрла харһсн кем

Видео