Орн-нутгин Хүүвин сүүрт орлцв

Сегодня, 15:18 | Общество, Таңһчин зәңгс, Зіњг

Хальмг Таңһчин Улсин Хуралын (Парламентин) Ахлач Артем Михайлов ниигмин сүлҗәнә эв-арһар Әрәсән Орн-нутгин Хүүвин хаврин сессин түрүн сөөрт орлцв. Әрәсән Орн-нутгин Хүүвин Ахлач Вячеслав Володин сүүрт орлцсн депутатнриг, Әрәсән залврин болн Федерацин Хүүвин элчнриг шин җиллә йөрәв.
Эн җил зака үүдәгч үүлдврин йовудт әмтнә социальн харслтын, эрүл-менд харлһна, бичкдүдиг асрҗадг өрк-бүлмүдиг дөңнлһнә, орн-нутгин әәмшг уга бәәдл тетклһнә, экономик делгрүллһнә төрмүдт онц оньг тусхагдхмн гиҗ Әрәсән Орн-нутгин Хүүвин Ахлач темдглв. Әмтнә җирһлин таал ясруллһнд туслх закад батлх кергтә, депутатнрин көдлмшиг хамгин түрүнд суңһачнрин сә хәәҗ үүлдвр күцәснә ашар үлхмн гиҗ келгдв. Эн җил VIII хуралтын депутатнр үүлдврән төгсәҗәнә, тегәд күцәмҗтәһәр үүлдҗ, эркн чинртә закад батллһнд ик оньг тусхахмн гиҗ Вячеслав Володин келв.
Орн-нутгин Хүүвин сүүрт орлцв
БАТАН Наталья

Видео