Орн-нутгин экономик делгрүлхин төлә

27-02-2024, 15:25 | Общество

Одахн Әрәсән Президент Владимир Путин экономикин делгрлтин төрәр РФ-н залврин гешүдлә селвлцә давулв.

2023 җилд Әрәсән экономикин делгрлтин йовуд делкән кемҗәнәс өөдән болв. Тер мет эд-тавр хулдҗ авдг мана әмтнә арһнь бас темдгтә. Тиим йовдл Әрәсән бизнесин өслтд нилчән күргҗәнә. 2030 җил күртл экономикин делгрлтин төр эн селвлцәнд хәләгдв.
Тер мет нефтин болн газин оруһас нань наадк ору 2023-ч җил 25% өсв. Тиигчкәд IV кварталд тер үзмҗ зуралгдҗасн 500 җува арслңгас үлү болв. Тиим кевәр эд-бод кедг бүрдәцсин нилчнь өсчәхинь тиим то-диг герчлҗәнә. «Компьютер, авиацин техник, керм, көлгн-күчн, электрикин кергсл кеҗ һарһлһна кемҗән хойр холванд өсв», - гиҗ президент темдглв.
Промышленностиг, селәнә эдл-ахуг, көлгн-күчиг делгрүллһнә өдгә цага шин эв-арһ Әрәсәд бәәнә, терүг цааранднь гүүдүлх кергтә. Тиим кевәр цуг регионмудт эд-бод келһнә халхиг шинрүлҗ болхмн. Инвестициг дөңнлһнә, технологин үлмә уга бәәдлиг тетклһнә, инфраструктуриг тосхлһна болн шинрүллһнә, балһсдыг болн селәдиг цуг халхар делгрүллһнә көтлврмүд социальн-экономикин зурад орх.
(полную версию статьи можно посмотреть в бумажной версии выпуска № 19 (19001) 27 февраля 2024 года, ВТОРНИК)

ТҮРВӘН Һуна

Видео