Нөкцлтән делгрүлхәр

Сегодня, 13:46 | Общество, Таңһчин зәңгс, Зіњг

Хальмг Таңһчин эрүл-менд харлһна министрин үүл дааҗадг Мушаран Арслң Әәдрхнә медицинск ик сурһулин элчнрлә харһв. Николай Костенко, Николай Илов болн Елена Чернышова харһлтд орлцад, Хальмг Таңһчин эрүл-менд харлһна делгрлтин туст нөкцҗ үүлдхин туск бооцана тускар күүндв. Тер мет таңһчин эрүл-менд харлһна көдләчнрин мергҗлт өөдлүллһнә, эмнлһнә туст селвг өгч дөң күрглһнә төрмүд босхгдв.
Хамцу кергүдт Б.Б.Городовиковин нертә Хальмг ик сурһуль бас орлцхин тускар күүндвр болв.
Мушаран Арслң Әәдрхнә ик сурһулин элчнрт ханлтан өргәд, эн нөкцлт таңһчин эрүл-менд харлһна делгрлтд туслхинь темдглв. Хальмг Таңһч болн Әәдрхнә ик сурһуль хоорндк залһлдан улм батрад йовх гиҗ итклтә бәәнә.
БАТАН Сәәхлә

Видео