«Алтн герл» судрин цәәлһвр

Сегодня, 13:08 | Общество, Таңһчин зәңгс, Зіњг, Бурхн-шаҗна төрәр

Хальмгин Шаҗн Ламин үрврәр мана таңһчур гевш лхарамб Җагба Гьяцо ирв. Гүн номта болн өөдән цолта багш Хальмгт һурвдад ирҗәнә. Шаҗна төрәр тохнята цәәлһвр өгдг гевш лхарамбан цәәлһвриг урднь чигн соңсч йовсн әмтнд багшин лекцст орх таал дәкн учрҗана.
Гевш лхарамб Җагба Гьяцо Дрепунг Гоманг хурлд олн җил багшлҗ йовна. Гүн номиг тодрхаһар цәәлһдг, нәрн төрмүдиг тохнята кевәр медүлдг багш олн дунд тоомср олв. Хальмгт чигн шаҗнд шүтдг әмтн гевш лхарамбаг сән меднә.
Ирснәннь дару күндтә гиич Хальмгин Шаҗн Лам гевш Тензин Чойдакла харһҗ күүндв. Хальмгт ирсн кемдән кедү харһлт кеҗ, ямаран төрәр цәәлһвр өгхәр бәәхин тускар Җагба Гьяцо келҗ өгв.
«Алтн герл» судрин цәәлһвр эн таңһчин әмтнд нерәдхмн. Бурхн Багшин номд шүтдг әмтн эн судриг хамгин әрүн гиҗ күндлнә. Тегәд гүн утхта эн судрин цәәлһврт орлцлһн ик евәлтә йовдл болҗана. Җагба Гьяцон лекцс өдр болһн асхар 18 част болҗахмн. Амрлһна өдрмүдлә лекцс үдин хөөн 15 часла эклҗәхмн. Ик цолта багшин түрүн лекцд әмтн лу сарин 7-д цуглрҗ ирв. Лекцс Бурхн Багшин Алтн сүмин хургин бәәрнд болҗана.
УШКАНА Сувсн

Видео