Селәдин эмнлһсин көдләчнриг урмдулхар

18-04-2024, 09:03 | Общество

Әрәсән Президентин даалһврар эн җилин моһа сарин 1-әс авн бичкн балһсдт, района төвд болн селәдт көдлдг эрүл-менд харлһна көдләчнрин социальн демин мөңгнә кемҗән икдв. Хальмг Таңһчар үүлддг социальн саңгин әңг эн сарин эклцәр таңһчин эмнлһст көдлдг эрүл-менд харлһна 1335 көдләчд демин мөңг һарһҗ өглһнд 30,5 сай һар арслң йилһсн болв.

- Кемр селәнд 50 миңһн һар күн бәәдг болхла, эмнлһсин эмчнрт 50 миңһн, дунд медицинск көдләчнрт болхда, 30 миңһн арслңга демин мөңгн өггдх зөвтә. Тер мет 50 миңһнәс давад 100 миңһн күртл күн бәәдг балһсдын эмнлһсин көдләчнрин социальн демин мөңгнә кемҗән 13 миңһнәс авн 29 миңһн арслң тогтав. Эрүл-менд харлһна көдләчнрин социальн демин мөңгнә кемҗән Әрәсән залврин тогтаврла ирлцҗ батлгдв. Терүг эрүл-менд харлһна түрүн халхин, төв райодын, селәдин эмнлһсин болн түргн дөң күрглһнә станцсин көдләчнр авх зөвтә. Эн җилин мөрн сард СФР-ин региональн әңг моһа сарин демин мөңгиг йилһҗ өгв, терүг 1335 күн авв, - гиҗ ОСФР-ин социальн даатхлһна заллтын һардач Панян Елена келв.

Зәрм эрүл-менд харлһна көдләчнрт шишлң социальн демин мөңгиг 2023 җилин туула сарин 1-әс авн өгдг болв. Терүг авх көдләчнрин то-диг эмнлһнә бүрдәц орулҗ өгснә хөөн социальн саңгин әңг долан көдлмшч өдрин эргцд мөңгинь йилһҗ өгнә.

(полную версию статьи можно посмотреть в бумажной версии выпуска № 40 (19022) 18 апреля 2024 года, ЧЕТВЕРГ)

ДООҖАН Наталья

Видео