Моңһлд болсн ик нәәрт орлцв

02-09-2023, 09:25 | Общество

«Нүүдлч» гиҗ нерәдгдсн делкән сойлын ик нәр Моңһлын хотл балһснд давсн амрлһна өдрмүдт болв. Улан Баатрас дөчн дуунад бәәдг сәәхн һазрт бүүрлсн «Тайдж Хайрхан» гидг бәәрнд ик нәр-наадн дүркләд давулгдв.

Эн делкәд бәәдг нүүдлч улсин элчнриг цуглулсн ик нәр-наадна тускар Синьхуа агентств зәңглҗәнә.
Делкәд бәәдг олн келн-улсин сойлын зөөр ямаран байн болдгиг медүлх күслтәһәр эн нәр-наадыг ЮНЕСКО бүрдәсмн. Нүүдлч улсин сойлын зөөрт эннь ода нерәдгдв. Терүнд Әрәсән, Китдин, Венгрин, Казахстана, Кыргызстана, Корея Республикин элчнр орлцв. Әрәсән регионмудас нүүдлч улсин 1,5 миңһн һар элч ирснә тускар келгдв. Хальмгин, Бурятин, Саха-Якутин, Туван делегацс энд эврә сойлан үзүлв. ЮНЕСКО-н болн нарт-делкән нань чигн бүрдәцсин элчнр нүүдлч улсин нәр-наадна гиичнр болв.
(полную версию статьи можно посмотреть в бумажной версии выпуска № 94 (18933) 2 сентября 2023 года, СУББОТА)

ХӨӨЧИН Галина

Видео