Бичкдўдт килмљін тусхаљ

25-09-2021, 14:51 | Общество

Ода медітіс авн нилх кўртл цуг улсиг бичкдўдин садт сурємљлачнр ґскљ босхв гиљ келљ болљана. Тиигљ кўн болєнд бичкніснь авн чик сурємљ ґгч, медрлин делкі секљ, талдан бичкдўдлі хамцулљ таньлдулљ тедниг йирин біідл-љирєлд, сурєульд белдні. Нилх болн бичкн кўўг ґсклєні онц кесг эв-арє бііні, терўг сурємљлачнр сіінір медні, тегід эдн эвріннь кґдлмштін кўцімљ бірні.

Єаха сарин 30-д тањєчин сурємљлачнр Элстд цуглрх, энд ик хургт дамшлтарн хувалцљ, шин кґтлврин болн бичкдўд ґсклєні шин методикин тускар кўўндвр кех. Яєад гихлі цаг ирвіс делкі сольгдна, кесг эрдмин медрлнь бас гўўдљ ясрљ оњдарулгдна. Тўўніс ард хоцрљ болшго гиљ садмудын єардачнр болн сурємљлачнр келні.
Тґрскн кел дасхлєна кўндті даалєвр бичкдўдин садмуд арднь орљ кўціні. Хальмг келні дамшлтта кесг багшнр энд кґдлні. Ээљ-аавин, эк-эцкнрин дґњгір эдн ґрк-бўлмўдлі бат залєлда бірљ дорас ґсљ йовх ўйд тґрскн кел дасхна. Мел иим нилх, бичкн наснаснь авн экин кел дасхд таалмљта болна, тегід сурємљлачнр болн хальмг келні багшнр мана олн улсин, мана тањєчин тґлі хамгин чинрті керг кўціљіні, эдні кґдлмшинь бидн кўндлх зґвтівидн.
Элстд болн райодт дамшлтта сурємљлачнр олн. Эдн дундас Троицкое селіні «Алтн тўлкўр» («Золотой ключик») садын кґдлічнр йилєрні. Эдн тањєчин «Љилин багш» дґрлдінд «Сурємљлач» гидг номинацд тўрўн орм эзлв, ода Ірісін кемљінд билг-эрдмін болн медрлін ўзўлх.
Нўўрлгч кґдлічнрин тускар келхлі Целинн района элчнріс хамгин тўрўнд Лидия Михайловна Бовальдиноваг темдглљ болхмн, «Алтн тўлкўр» садикиг эн чадмгар єардна. Городовиковск районд імтн сіінір «Колокольчик» садикин сурємљлач Ирина Николаевна Колокольцеваг медні, цуг седклін эн бичкдўдт ґгні. Сарпан районд Садовое селіні ДОУ-н сурємљлач Марина Алексеевна Медког кўндлні, дамшлтта кґдліч кґвўд-кўўкдт бат медрл ґгні.
Элст балєсна садмуд дунд 28-ч тойгта ДОУ йилєрні, эдні ўўдігч кевір кґдлдг нўўрлгч коллективиг дамшлтта мергљлт Людмила Федоровна Яшаева кесг љилин эргцд єардљана, энд хальмг кел бичкдўд сіінір дасна, кесг хальмг ду дуулна, би биилні, тууль медні, билг-эрдмін аав-ээљнрт ўзўлні. Тегід чигн эдн Цугірісін марєанд тўрўн орм эзлљ «Йилєін сін сад» гидг кўндті нер зўўв. Энд кергін меддг кесг сурємљлачнр кґдлні.
Тер мет 33-ч тойгта «Радуга» гидг садт гемті-шалтгта бичкдўдиг хіліні, сурємљлачнрт эмчнр болн мергљлтнр дґњ болна, тегід эдні кергнь амр биш, бичкдўдиг соньмсуллєна кесг эв-арє эдн медні, тиигід эмчнр гемті бичкдўдиг арднь орљ эмнні.
Келн-улсин 6-ч болн 16-ч тойгудта садмудт бичкдўд хальмг кел, сойл болн авъяс дасна, хальмгаєар сіінір келні. Бичкнісн авн дассн юмн мартгдшго, ээљ-аавин келін цугтан медх зґвті гиљ кґвўд-кўўкд шўлгўдин мґріг чеељір дасна. Олна кесг керг-ўўлдврт, тер тоод Зул болн Цаєан Сар темдгллєні ик нір-нааднд орлцљ дассн шўлгін келљ, билг-эрдмін ўзўлљ, аав-ээљін, эк-эцкін байрлулна.
«Сурєуль-эрдм» гидг келн-улсин тґсвин кемљінд Элст балєсна єардврин толєачин мґрін тґлі 2021 љилд чинрті марєан болв. «Хамгин сін дошкольн бўрдіц» гидг номинацд 4-ч тойгта Элстин «Нарн» («Солнышко») сад диилвр бірв.
Тер мет эн љилин така сарла тањєчин Толєачин «Келни билг» мґрієір «ДОУ-н йилєін сін сурємљлачнр – хальмг келні тархаєачнр» гидг номинацд мергљлтнр йилєгдв. Тер тоод Элстин 31-ч тойгта «Алтн Булг» бичкдўдин садын сурємљлач Тамара Эрдниевна Азыдова болн 21-ч тойгта «Теегин айс» ДОУ-н сурємљлач Антонина Григорьевна Болдырева мґрієір ачлгдв.
«Хальмг Тањєчин багш - 2021» гидг тањєчин марєана муниципальн девсњд «ДОУ-н сурємљлач» гидг номинацд Кристина Саналовна Джиляева диилічин кўндті нер зўўв. Дамшлтта мергљлт Элстин 26-ч тойгта «Бумбин орн» ДОУ-д кґдлні.
Цуг сурємљлачнриг эдні сін Ґдрлі йґріљінівидн, улм ґґдін кўцімљ бірљ мањна тиньгр біітн гиљ дурдљанавидн.
ТЎРВІН Єуна
Зургт: «Бадм цецг» нерті 16-ч тойгта
Элстин келн-улсин бичкдўдин садт